Gold silver price today : સોનામાં ₹500ની નજીકનો કડાકો, ચાંદી ₹2,000થી વધુ ગગડી; આગળ શું?

સોના અને ચાંદીના ભાવમાં નરમાઈ જોવા મળી રહી છે. ફેડરલ રિઝર્વની બેઠક પહેલા મંગળવારે 27 ઓક્ટોબરે બંને કિંમતી ધાતુઓના કારોબારની શરૂઆત ઘટાડા સાથે થઈ હતી. વૈશ્વિક બજાર Comex પર સોના વાયદાનો ભાવ પ્રતિ ઔંસ 4,030 ડોલર નજીક જ્યારે ચાંદી વાયદો પ્રતિ ઔંસ 53.80 ડોલરના સ્તરે ટ્રેડ કરી રહ્યા હતા. એ જ રીતે MCX પર સોના વાયદાનો ભાવ પ્રતિ 10 ગ્રામ રૂ. 1,42,427 તથા ચાંદી વાયદાનો ભાવ પ્રતિ કિલો રૂ. 1,93,100ના સ્તરે ટ્રેડ થઈ રહ્યા છે.

સોનાના ભાવમાં ઘટાડો

સોનાના વાયદાના ભાવની શરૂઆત ઘટાડા સાથે થઈ હતી. MCX પર સોનાનો બેન્ચમાર્ક ડિસેમ્બર કોન્ટ્રાક્ટ 492 રૂપિયાના ઘટાડા સાથે રૂ. 1,42,581ના સ્તરે ખૂલ્યો હતો. તેનો પાછલો બંધ ભાવ રૂ. 1,43,073ના સ્તરે હતો. આ સમાચાર લખાય છે ત્યારે આ કોન્ટ્રાક્ટ 0.42 ટકાના ઘટાડા સાથે રૂ. 1,42,427ના સ્તરે ટ્રેડ થઈ રહ્યો હતો. સોનાના વાયદાના ભાવે આ વર્ષે પ્રતિ 10 ગ્રામ રૂ. 1,80,779ના સ્તરે સર્વોચ્ચ સપાટી સર કરી છે.

ચાંદીમાં પણ કડાકો

ચાંદીના વાયદાના ભાવની શરૂઆત સુસ્ત રહી છે. MCX પર ચાંદીનો બેન્ચમાર્ક ડિસેમ્બર કોન્ટ્રાક્ટ રૂ. 2,004ના ઘટાડા સાથે રૂ. 1,93,789ના સ્તરે ખૂલ્યો હતો. પાછલો બંધ ભાવ રૂ. 1,95,793 હતો. આ સમાચાર લખાય છે ત્યારે આ કોન્ટ્રાક્ટ 1.32 ટકાના ઘટાડા સાથે રૂ. 1,93,200ના સ્તરે ટ્રેડ થઈ રહ્યો છે. ચાંદીના વાયદાના ભાવે આ વર્ષે પ્રતિ કિલો રૂ. 4,20,048ના સ્તરને સ્પર્શ કર્યો હતો.

વૈશ્વિક બજારમાં પણ સોના-ચાંદીમાં નરમાઈ

આંતરરાષ્ટ્રીય બજારમાં સોના અને ચાંદીના વાયદાના ભાવ નરમાઈ સાથે ટ્રેડ કરી રહ્યા છે. Comex પર સોનાના વાયદાનો ભાવ પ્રતિ ઔંસ 4,032.00 ડોલર પર ખૂલ્યો હતો. તેનો પાછલો બંધ ભાવ પ્રતિ ઔંસ 4,038.40 ડોલર હતો. આ સમાચાર લખાય છે ત્યારે સોનાના વાયદાનો ભાવ પ્રતિ ઔંસ 0.40 ટકાના ઘટાડા સાથે 4022.30 ડોલરે ટ્રેડ કરી રહ્યો છે. સોનાના ભાવે આ વર્ષે 5,586.20 ડોલરનું સર્વોચ્ચ સ્તર પાર કર્યું હતું. Comex પર ચાંદીના વાયદાનો ભાવ પ્રતિ ઔંસ 54.07 ડોલરના સ્તરે ખૂલ્યો હતો. પાછલો બંધ ભાવ પ્રતિ ઔંસ 54.34 ડોલર હતો. આ સમાચાર લખાય છેત્યારે તે 1.83 ટકાના ઘટાડા સાથે 53.345 ડોલરના સ્તરે ટ્રેડ કરી રહ્યો છે. ચાંદી વાયદાનો ભાવ આ વર્ષે પ્રતિ ઔંસ 121.79 ડોલરની સપાટીએ પહોંચ્યો હતો.

સોના અને ચાંદીમાં શોર્ટ કવરિંગ

ટેકનિકલ રૂપે સોનામાં શોર્ટ કવરિંગ જોવા મળી રહ્યું છે. સોનાના ભાવમાં રૂ. 1,049ની તેજી આવી જ્યારે ઓપન ઈન્ટરેસ્ટ 1.39 ટકા ઘટીને 15,996 કોન્ટ્રાક્ટર રહી ગયો. સોનાને પ્રતિ 10 ગ્રામ રૂ. 1,42,320ના સ્તરે ટેકો મળી રહ્યો છે. તેનાથી નીચે આગામી સપોર્ટ રૂ. 1,41,560 પર છે. બીજીબાજુ પ્રતિકારક સ્તર રૂ. 1,43,600 છે. આ સ્તરથી ઉપર ટકાઉ તેજી આવતા કિંમત રૂ. 1,44,120 સુધી પહોંચી શકે છે. તેનાથી વિપરિત રૂ. 1,42,320થી નીચે તૂટતા ભાવમાં ઘટાડો જોવા મળી શકે છે અને તે રૂ. 1,41,560 સુધી આવી શકે છે.

ટેકનિકલરૂપે ચાંદીમાં પણ શોર્ટ કવરિંગ જોવા મળી રહ્યું છે. ચાંદીના ભાવમાં રૂ. 74ની તેજી આવી છે જ્યારે ઓપન ઈન્ટરેસ્ટ 1.15 ટકા ઘટીને 16,683 કોન્ટ્રાક્ટ રહી ગયો છે. ચાંદીને રૂ. 1,93,140ના સ્તરે સપોર્ટ મળ્યો છે. તેનાથી નીચે આગામી સપોર્ટ રૂ. 1,90,490 પર છે. બીજીબાજુ પ્રતિકારક સ્તર રૂ. 1,97,820 છે. આ સ્તરથી ઉપર ટકાઉ તેજી આવતા કિંમત રૂ. 1,99,840 સુધી પહોંચી શકે છે. તેનાથી વિપરિત રૂ. 1,93,140થી નીચે તૂટતા ભાવ ગગડી શકે છે અને કિંમત રૂ. 1,90,490 સુધી આવી શકે છે.

આ પણ જૂઓ

Watch onYouTube