2026ના અંત સુધી ક્રૂડ ટ્રેડિંગ શરૂ કરશે ONGC, ડીપવોટર પ્રોજેક્ટમાં ₹1 લાખ કરોડનું રોકાણ

આંતરરાષ્ટ્રીય બજારમાં ક્રૂડ ઓઇલના ભાવમાં મોટા ઉતાર-ચઢાવ વચ્ચે ONGCએ પોતાના વ્યવસાય મોડલને મજબૂત ગણાવ્યો છે. કંપનીના ચેરમેન અરુણ કુમાર સિંહના જણાવ્યા મુજબ ક્રૂડના ભાવ $60થી $90 પ્રતિ બેરલની વચ્ચે રહે તો પણ ONGC સમૂહ આવા ફેરફારોનો સામનો કરવા સક્ષમ છે. તેમણે કહ્યું કે કંપની માત્ર તેલ અને ગેસના ઉત્પાદન સુધી મર્યાદિત નથી, પરંતુ રિફાઇનિંગ અને અન્ય વ્યવસાયમાં પણ હાજરી ધરાવે છે. આથી એક ક્ષેત્રમાં દબાણ આવે તો બીજા ક્ષેત્રમાંથી સંતુલન મળી શકે છે.

HPCL અને MRPLથી મળે છે સંતુલન

ONGCના આશરે 60% નફાનો હિસ્સો Exploration and Productionમાંથી આવે છે. બાકીનો નફો અન્ય વ્યવસાયમાંથી મળે છે. ONGC પાસે Hindustan Petroleum Corporation અને Mangalore Refinery and Petrochemicals જેવી કંપનીઓમાં નિયંત્રણકારી હિસ્સો છે. આ સમગ્ર માળખું ક્રૂડના ભાવમાં થતા મોટા ફેરફાર સામે કંપનીને થોડું રક્ષણ આપે છે.

ભૂ-રાજકીય તણાવ ન હોત તો ક્રૂડ $60-65 આસપાસ હોત: ચેરમેન

અરુણ કુમાર સિંહના મતે હાલનો ભૂ-રાજકીય તણાવ અને અમેરિકા-ઈરાન સંઘર્ષ ન હોત તો ક્રૂડ ઓઇલનો ભાવ આશરે $60થી $65 પ્રતિ બેરલની આસપાસ રહી શક્યો હોત. કંપનીએ ગયા વર્ષે ખર્ચ ઘટાડવાની યોજના અમલમાં મૂકી હતી, જેના કારણે સંચાલન ખર્ચમાં આશરે 6થી 7%નો ઘટાડો થયો હોવાનું તેમણે જણાવ્યું.

Renewable Energy ક્ષમતા 10 GW સુધી લઈ જવાનો લક્ષ્ય

ONGC આગામી 7થી 10 વર્ષમાં પોતાના ઊર્જા પોર્ટફોલિયોમાં Renewable Energyનો હિસ્સો વધારવા માંગે છે. હાલ કંપની પાસે આશરે 2.5 GW Renewable Energy ક્ષમતા છે. તેને 2030 સુધી 10 GW સુધી વધારવાનો લક્ષ્ય નક્કી કરવામાં આવ્યો છે. લાંબા ગાળે Renewable Energyનો હિસ્સો કુલ પોર્ટફોલિયોના આશરે 30% સુધી લઈ જવાની યોજના છે.

Deepwaterમાં ₹1 લાખ કરોડનું રોકાણ

ONGC હવે Deepwater અને Ultra-Deepwater ક્ષેત્રોમાં તેલ-ગેસ શોધ પર વધુ ભાર મૂકી રહી છે.ચાલુ નાણાકીય વર્ષમાં કંપની 8 Deepwater અથવા Ultra-Deepwater કૂવા ખોદવાની તૈયારીમાં છે. આગામી નાણાકીય વર્ષમાં વધુ 10 કૂવા ખોદવાની યોજના છે. કંપનીનો લક્ષ્ય 2030-31 સુધી કુલ 87 Deepwater Wells ખોદવાનો છે. આ માટે આશરે ₹1 લાખ કરોડના રોકાણની જરૂર પડી શકે છે.

Dubai અથવા Singaporeમાં Global Oil Trading Venture

ONGC વર્ષના અંત સુધી Global Oil Trading Joint Venture શરૂ કરવાની તૈયારી પણ કરી રહી છે. આ માટે ભાગીદારની પસંદગી અંતિમ તબક્કામાં હોવાનું જણાવાયું છે. પ્રસ્તાવિત સંયુક્ત સાહસ Dubai અથવા Singaporeમાં આધારિત હોઈ શકે છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: વિમાન ઇંધણના ભાવમાં સતત બીજા મહિને વધારો, પ્રતિ લિટર ₹121.28 સુધી પહોંચ્યો