Defence Sector: 2029 સુધીમાં ₹3 લાખ કરોડનું ઉત્પાદન અને ₹50,000 કરોડની નિકાસનું લક્ષ્ય

ભારત પોતાના ડિફેન્સ ઉત્પાદન અને નિકાસને આગામી કેટલાક વર્ષોમાં મોટા પાયે વધારવાની તૈયારી કરી રહ્યું છે. રક્ષા મંત્રી રાજનાથ સિંહે જણાવ્યું કે સરકારનું લક્ષ્ય 2029 સુધીમાં દેશનું ડિફેન્સ ઉત્પાદન ₹3 લાખ કરોડ અને નિકાસ ₹50,000 કરોડ સુધી પહોંચાડવાનું છે. આ લક્ષ્ય સાથે સ્થાનિક ઉત્પાદન, નવી ટેક્નોલોજી અને સશસ્ત્ર દળોના આધુનિકીકરણને વધુ ગતિ આપવાની યોજના છે.

FY26માં ઉત્પાદન ₹1.78 લાખ કરોડ

નાણાકીય વર્ષ 2025-26માં ભારતનું ડિફેન્સ ઉત્પાદન ₹1.78 લાખ કરોડ રહ્યું હતું. 2029નું ₹3 લાખ કરોડનું લક્ષ્ય હાંસલ કરવા માટે હાલના સ્તર કરતાં આશરે ₹1.22 લાખ કરોડ વધુ ઉત્પાદન કરવાની જરૂર પડશે. FY 2014-15માં ડિફેન્સ ઉત્પાદન માત્ર ₹46,429 કરોડ હતું. એટલે છેલ્લા એક દાયકાથી વધુ સમયમાં તેમાં લગભગ ચાર ગણો વધારો થયો છે.

નિકાસ ₹2,000 કરોડથી વધીને ₹40,000 કરોડ

ભારતની ડિફેન્સ નિકાસમાં પણ મોટો વધારો નોંધાયો છે. 2014માં ડિફેન્સ નિકાસ ₹2,000 કરોડથી પણ ઓછી હતી, જે હવે વધીને આશરે ₹40,000 કરોડ સુધી પહોંચી છે. 2029 સુધીમાં તેને ₹50,000 કરોડ સુધી લઈ જવાનું લક્ષ્ય રાખવામાં આવ્યું છે.

ડિફેન્સ બજેટ ₹7.85 લાખ કરોડ

FY 2026-27 માટે ડિફેન્સ બજેટ વધારીને રેકોર્ડ ₹7.85 લાખ કરોડ કરવામાં આવ્યું છે. તેમાં ડિફેન્સ સર્વિસિસ માટે કેપિટલ આઉટલે ₹2.19 લાખ કરોડ છે. આમાંથી આશરે ₹1.85 લાખ કરોડ કેપિટલ acquisition, એટલે કે સશસ્ત્ર દળોના આધુનિકીકરણ માટે રાખવામાં આવ્યા છે.

Make in India અને સ્વદેશીકરણ પર વધુ ભાર

સરકાર ડિફેન્સ ક્ષેત્રમાં મેક ઈન ઈન્ડિયા અને આત્મનિર્ભર ભારતને વધુ આગળ વધારવા માગે છે. સ્થાનિક રિસર્સ, ડિઝાઈન, ડેવલપમેન્ટ અને મેન્યુફેકચરીંમાં પ્રાઈવેટ કંપની, સ્ટાર્ટઅપ અને એકેડેમિક ઈન્સ્ટીટ્યુશનની ભાગીદારી વધારવા પર ભાર મૂકવામાં આવ્યો છે. સાથે જ DRDO, ડિફેન્સ PSUs, પ્રાઈવેટ ઈન્ડસ્ટ્રીઝ અને એકેડેમિ ઈન્સ્ટીટ્યુશન વચ્ચે વધુ મજબૂત સહયોગની જરૂરિયાત દર્શાવવામાં આવી છે.

AIથી Space સુધી નવી ટેક્નોલોજી પર ફોકસ

ભારતીય સશસ્ત્ર દળોને ભવિષ્યના યુદ્ધ માટે તૈયાર કરવા માટે આર્ટિફિશ્યલ ઇન્ટેલિજન્સ, autonomous systems, unmanned platforms, સાયબર, સ્પેસ, ઈલેક્ટ્રોનિક વેલફર અને એડવાન્સ કોમ્યુનિકેશન જેવા ક્ષેત્રોને મહત્વ આપવામાં આવશે. આ ઉપરાંત નેક્સ્ટ જનરેશન વેપન્સ અને પ્લેટફોર્મને ઝડપથી સેવામાં સામેલ કરવા તેમજ આર્મી, નેવી, એરફોર્સ વચ્ચે વધુ સંકલન પર ભાર મૂકવામાં આવ્યો છે. સરકારનું લક્ષ્ય માત્ર ડિફેન્સ સાધનોની ખરીદી વધારવાનું નહીં, પરંતુ દેશમાં જ ઉત્પાદન અને ટેક્નોલોજી વિકસાવી ભારતને મોટા વૈશ્વિક ડિફેન્સ મેન્યુફેક્ચરિંગ અને એક્સપોર્ટ હબ તરીકે વિકસાવવાનું છે.

આ પણ જુઓ

Watch onYouTube