BSE Sensex ડે લોથી 800 પોઇન્ટ અને નિફ્ટી 400 પોઇન્ટ વધ્યો

સોમવારે બેન્ચમાર્ક ઇક્વિટી ઇન્ડેક્સ સેન્સેક્સ અને નિફ્ટીમાં જોરદાર રિકવરી જોવા મળી હતી. સતત ચાર સત્રોના ઘટાડા બાદ, રોકાણકારોએ નીચા ભાવે ઉપલબ્ધ શેરોની ખરીદી કરતા બજારે શરૂઆતી નુકસાનમાંથી પુનરાગમન કર્યું હતું. સવારે કામકાજના પ્રથમ કલાકમાં બીએસઈ (BSE) સેન્સેક્સ 203.69 પોઈન્ટ અથવા ૦.28 ટકાના વધારા સાથે 73,327.52 પર ટ્રેડ કરી રહ્યો હતો. એનએસઈ (NSE) નિફ્ટી 53.25 પોઈન્ટ અથવા 0.24 ટકા વધીને 22,653.25 પર પહોંચ્યો હતો. સવારના કારોબારમાં, સેન્સેક્સ 609.26 પોઈન્ટ અથવા 0.83 ટકા ઘટીને 72,514.57 પર આવી ગયો હતો, જ્યારે નિફ્ટી 212.65 પોઈન્ટ અથવા 0.94 ટકા ઘટીને 22,387.35 પર પહોંચ્યો હતો.

'વેલ્યુ બાઈંગ' (સસ્તા ભાવે ખરીદી)

સતત ચાર સત્રોના ઘટાડા બાદ રોકાણકારોએ નીચા સ્તરે પહોંચેલા શેરોની ખરીદી કરી હતી. પશ્ચિમ એશિયામાં તણાવને કારણે કાચા તેલના ભાવમાં થયેલો વધારો ફુગાવા અને કોર્પોરેટ કમાણી અંગે ચિંતાઓ વધારી રહ્યો છે, જેના પગલે ગયા અઠવાડિયે સ્થાનિક બજારો ઘટાડા સાથે બંધ થયા હતા. આ સપ્તાહ દરમિયાન નિફ્ટીમાં 2.4 ટકા અને સેન્સેક્સમાં 2.2 ટકાનો ઘટાડો નોંધાયો હતો. શુક્રવારે ભારતીય બજાર બંધ થયા બાદ, બ્રેન્ટ ક્રૂડ ફ્યુચર્સ 117 ડોલર (છ મહિનાની ઊંચી સપાટીની નજીક) થી ઘટીને 114.5 ડોલર પ્રતિ બેરલની આસપાસ ટ્રેડ થઈ રહ્યા હતા. જોકે, યમનના હુથી વિદ્રોહીઓ દ્વારા સાઉદી અરેબિયા પરના સતત હુમલાઓને કારણે ક્રુડ ઓઇલના પુરવઠા અંગેની ચિંતાઓ યથાવત રહી હતી.

FIIની ખરીદી

વિદેશી સંસ્થાકીય રોકાણકારોએ (FIIs) શુક્રવારે 887.65 કરોડ રૂપિયાના શેર ખરીદ્યા હતા. ઓક્ટોબર મહિનામાં અત્યાર સુધીમાં વિદેશી રોકાણકારોએ ભારતીય શેરબજારમાંથી 48,056 કરોડ રૂપિયા પાછા ખેંચ્યા છે. જોકે, ગયા અઠવાડિયે વિદેશી પોર્ટફોલિયો રોકાણકારો (FPIs) દ્વારા વેચવાલીમાં નોંધપાત્ર ઘટાડો જોવા મળ્યો હતો અને બે ટ્રેડિંગ દિવસોમાં તેઓ ચોખ્ખા ખરીદદાર (નેટ બાયર) બન્યા હતા.

મજબૂત વૈશ્વિક સંકેતો

Watch onYouTube