Kalyan Jewellersના શેરમાં 10%નો ઉછાળો, Q2 નફો 64% વધ્યો; જાણો બ્રોકરેજે શું આપ્યો ટાર્ગેટ?

Kalyan Jewellersના Q2 FY27 પરિણામો બાદ શેરમાં મજબૂત ખરીદી જોવા મળી. કંપનીએ સપ્ટેમ્બર ત્રિમાસિકમાં આવક અને નફા બંનેમાં મજબૂત વૃદ્ધિ નોંધાવી છે. સાથે જ તહેવાર અને લગ્નની સિઝનમાં જવેલરીની માંગ મજબૂત રહેવાની અપેક્ષાએ બજારનું ધ્યાન શેર તરફ ખેંચ્યું છે.

Q2માં નફો 64% વધ્યો

સપ્ટેમ્બર 2026માં પૂરા થયેલા ત્રિમાસિકમાં કંપનીનો સંકલિત ચોખ્ખો નફો ₹427 કરોડ રહ્યો, જે ગયા વર્ષના સમાન ત્રિમાસિકના ₹260.51 કરોડની સરખામણીએ 63.6% વધુ છે. આ નફામાં non-core land parcelના વેચાણમાંથી મળેલો ₹73 કરોડનો exceptional gain પણ સામેલ છે. આ exceptional gainને બાદ કરીએ તો ચોખ્ખો નફો આશરે ₹354 કરોડ રહે છે, જે વાર્ષિક ધોરણે લગભગ 36% વૃદ્ધિ દર્શાવે છે.

આવક ₹10,323 કરોડ સુધી પહોંચી

ત્રિમાસિક દરમિયાન કામગીરીમાંથી આવક 31.4% વધીને ₹10,323 કરોડ થઈ છે. ગયા વર્ષે સમાન ત્રિમાસિકમાં કંપનીની આવક ₹7,856 કરોડ હતી. કંપનીના જ્વેલરી રિટેલ બિઝનેસમાં મજબૂત વૃદ્ધિને કારણે આવક પહેલીવાર ₹10,000 કરોડના સ્તર પાર ગઈ છે.

EBITDAમાં પણ મજબૂત વૃદ્ધિ

Q2 દરમિયાન કંપનીનું EBITDA 29.7% વધીને ₹644.7 કરોડ થયું. જોકે EBITDA માર્જિન થોડું ઘટીને 6.25% રહ્યું, જે ગયા વર્ષે 6.33% હતું. એટલે આવકમાં મોટી વૃદ્ધિ છતાં નફાકારકતા લગભગ સ્થિર રહી છે.

છ મહિનાનો નફો 48% વધ્યો

FY27ના પ્રથમ છ મહિનામાં Kalyan Jewellersનો સંકલિત ચોખ્ખો નફો 48% વધીને ₹776 કરોડ થયો છે. ગયા વર્ષે સમાન સમયગાળામાં આ નફો ₹525 કરોડ હતો. આ જ સમયગાળામાં આવક 38% વધીને ₹20,912 કરોડ થઈ છે, જ્યારે ગયા વર્ષે ₹15,125 કરોડ હતી.

UBSએ ₹900નો ટાર્ગેટ આપ્યો

Global બ્રોકરેજ UBSએ Kalyan Jewellers પર પોતાનું Buy રેટિંગ યથાવત રાખ્યું છે. બ્રોકરેજે શેર માટે ₹900નો ટાર્ગેટ આપ્યો છે, જે અગાઉના બંધ ભાવની સરખામણીએ આશરે 47% વધારાની શક્યતા દર્શાવે છે. UBSના મતે કંપનીનું જુલાઈ-સપ્ટેમ્બર પ્રદર્શન મોટાભાગે અપેક્ષા મુજબ રહ્યું છે.

2026માં શેર 38%થી વધુ ચઢ્યો

Kalyan Jewellersનો શેર 2026માં અત્યાર સુધીમાં આશરે 38.4% વધ્યો છે. આ જ સમયગાળામાં Nifty 50માં લગભગ 3%નો ઘટાડો થયો છે. હાલના ભાવ પર કંપનીનું માર્કેટ કેપિટલાઈઝેશન આશરે ₹69,000 કરોડ છે. કંપનીના મેનેજમેન્ટે ફેસ્ટીવ ક્વાર્ટર માટે પણ સકારાત્મક વલણ દર્શાવ્યું છે. નવરાત્રી અને ધનતેરસ દરમિયાન મજબૂત વૃદ્ધિ જોવા મળતાં જવેલરી માંગ અંગે કંપની આશાવાદી છે.

આ પણ જુઓ

Watch onYouTube