Q2 Result: Airtelનો નફો 31% વધીને ₹8,887 કરોડ, ડેટા સેન્ટર માટે જમીન ખરીદવામાં ₹2,826 કરોડ ખર્ચ્યા

Bharti Airtelએ સપ્ટેમ્બર ત્રિમાસિકમાં નફો, આવક અને ગ્રાહક આધાર ત્રણેય મોરચે વૃદ્ધિ નોંધાવી છે. વધુ ચૂકવણી કરતા પ્રીમિયમ ગ્રાહકોની સંખ્યામાં વધારો અને મોબાઈલ, હોમ્સ અને એન્ટરપ્રાઈઝ બિઝનેસની મજબૂત કામગીરીએ પરિણામોને ટેકો આપ્યો છે.

નફો ₹6,791 કરોડથી વધીને ₹8,887 કરોડ

Q2 FY27માં Airtelનો સંકલિત ચોખ્ખો નફો 31% વધીને ₹8,887 કરોડ થયો છે. ગયા વર્ષે સમાન ત્રિમાસિકમાં કંપનીનો નફો ₹6,791 કરોડ હતો. પાછલા ત્રિમાસિકમાં નફો ₹8,167 કરોડ રહ્યો હતો. કંપનીની આવક વાર્ષિક ધોરણે 16.7% વધીને ₹60,887 કરોડ થઈ છે, જ્યારે Q1 FY27માં તે ₹58,539 કરોડ હતી.

ડેટા સેન્ટર માટે ₹2,826 કરોડની જમીન ખરીદી

Airtelએ ત્રિમાસિક દરમિયાન ડેટા સેન્ટર બિઝનેસના વિસ્તરણ માટે ₹2,826 કરોડમાં મહત્વની જમીન ખરીદી છે. કંપની 1 GW ડેટા સેન્ટર ક્ષમતા ઊભી કરવાની યોજના પર કામ કરી રહી છે. Airtelના એક્જીક્યુટીવ વાઈસ ચેરમેન ગોપાલ વિટ્ટલના જણાવ્યા મુજબ ડેટા સેન્ટર અને ફાયનાન્સિયલ સર્વિસ આવનારા સમયમાં કંપનીના મુખ્ય ગ્રોથ એરિયાસમાં રહેશે.

ભારતના બિઝનેસની આવક ₹42,308 કરોડ

Airtelના ઈન્ડિયા બિઝનેસની આવક 9.4% વધીને ₹42,308 કરોડ થઈ છે, જે ગયા વર્ષે ₹38,690 કરોડ હતી. ઈન્ડિયા મોબાઈલ રેવન્યુમાં 10.1% વૃદ્ધિ નોંધાઈ છે. મોબાઈલ સર્વિસમાંથી કંપનીને ₹30,943 કરોડની આવક થઈ, જે કૂલ ઈન્ડિયા રેવન્યુનો આશરે 73% હિસ્સો ધરાવે છે.

ARPU વધીને ₹271

Airtelનું એવરેજ રેવન્યુ પર યુઝર એટલે કે ARPU વધીને ₹271 પ્રતિ મહિનો થયું છે. Q1 FY27માં ARPU ₹264 અને ગયા વર્ષે સમાન ત્રિમાસિકમાં ₹256 હતું. કંપનીએ ત્રિમાસિક દરમિયાન પોસ્ટપેડ સેગમેન્ટમાં રેકોર્ડ 12 લાખ નવા ગ્રાહકો ઉમેર્યા છે. કુલ પોસ્ટપેડ ગ્રાહકોની સંખ્યા 3.12 કરોડથી વધુ થઈ છે.

સ્માર્ટફોન ડેટા ગ્રાહકોમાં વધારો

Airtelએ ત્રિમાસિક દરમિયાન 29 લાખ નવા સ્માર્ટફોન ડેટા ગ્રાહકો ઉમેર્યા છે. છેલ્લા એક વર્ષમાં સ્માર્ટફોન ડેટા કસ્ટમર બેઝ 1.88 કરોડ વધીને 30.46 કરોડ થયો છે. ભારતમાં કુલ ગ્રાહક આધાર 49.86 કરોડથી વધુ થયો છે, જ્યારે આફ્રિકા સહિત કુલ ગ્રાહક આધાર 69.25 કરોડ સુધી પહોંચ્યો છે.

આ પણ વાંચો: વિક્રમ સંવત 2082માં કુલ 129 IPOઓએ ₹2.12 લાખ કરોડથી વધુ રકમ એકત્રિત કરી ઇતિહાસ સર્જયો

ડેટા વપરાશમાં 28.8% વધારો

ભારતમાં Airtelના દરેક ગ્રાહકનો સરેરાશ માસિક ડેટા વપરાશ વધીને 36.5 GB થયો છે. ગયા વર્ષે આ આંકડો 28.3 GB હતો. એટલે ડેટા વપરાશમાં 28.8%નો વધારો થયો છે. હોમ બિઝનેસમાં પણ 6.76 લાખ નવા ગ્રાહકો ઉમેરાયા છે.

EBITDA ₹35,240 કરોડ

Airtelનું સંકલિત EBITDA 17.8% વધીને ₹35,240 કરોડ થયું છે. સંકલિત EBITDA માર્જિન 57.9% રહ્યો, જ્યારે ઈન્ડિયા બિઝનેસનો EBITDA માર્જિન 60.8% રહ્યો. ઈન્ડિયા EBITDA ₹25,729 કરોડ નોંધાયું છે.

દેવામાં પણ ઘટાડો

Lease obligationsને બાદ કરતાં Airtelનું net debt ગયા વર્ષના ₹1.26 લાખ કરોડથી ઘટીને ₹88,277 કરોડ થયું છે. Lease obligations સહિત net debt Q1 FY27ના ₹1.90 લાખ કરોડથી ઘટીને ₹1.60 લાખ કરોડ થયું છે. કંપનીનો કુલ capital expenditure ત્રિમાસિક દરમિયાન ₹12,467 કરોડ રહ્યો, જેમાં ઈન્ડિયા બિઝનેસનો ખર્ચ ₹9,908 કરોડ હતો.

આ પણ જુઓ

Watch onYouTube